MeshyAndI Fletë teknike
0.23 · Android · Rev 1.0 · 2026-10-24
1. Përmbledhje e produktit
MeshyAndI lidh skanimin me kamerën, matjen e figurave dhe raportimin në telefon. Përdoret për dokumentim hapësinor, planimetri lokale, konture dhe vlerësim të grumbujve nga sipërfaqja e matur. Ofrohet më vete dhe brenda TS GNSS Alb.
- Projekt
- Regjistro ose Mat
- Kontrollo
- Eksporto
| Karakteristika | Specifikimi |
|---|---|
| Platforma | Android 8.0 ose më i ri; pajisje e mbështetur nga ARCore për kamerën AR. |
| Gjuhët | Shqip dhe Anglisht, të zgjedhshme edhe pas instalimit. |
| Modalitetet | Skanim 3D + RGB; Planimetri 2D; Scatch 3D. |
| Figurat | Formë e çrregullt, drejtkëndësh, trekëndësh, rreth, hark, elips, cilindër. |
| Matjet | Dimensione, sipërfaqe, XYZ; vëllim analitik cilindri; vëllim grumbulli 2.5D. |
| Pamja | Gradient sipas lartësisë në të gjithë sipërfaqen; emra; ngjyra dhe figura On/Off. |
| Organizimi | Projekte, bibliotekë skanimesh, disa figura në të njëjtën seancë AR. |
| Aktivizimi | Online me licencë sipas pajisjes; përdorim offline brenda vlefshmërisë së licencës. |
Saktësia e kamerës varet nga telefoni, gjurmimi, distanca, tekstura dhe ndriçimi. RTK FIX nuk është deklaratë saktësie për point cloud-in.
2. Të dhënat dhe kufijtë
| Dalja | Përmbajtja |
|---|---|
| PDF / DXF / CSV | Figurat e planimetrisë në një raport të përbashkët; emra, dimensione dhe koordinata XYZ. |
| PLY | Point cloud XYZ dhe RGB kur ngjyrat janë të pranishme; nuk përmban fotografitë e burimit. |
| ZIP | Paketa e skanimit dhe materialet shoqëruese; RGB, trajektore dhe RGB-D kur janë regjistruar. |
| OBJ / DXF i volumit | Sipërfaqja e matur; DXF mund të përfshijë mesh, bazë dhe kufi 3D. |
Kërkesat praktike
Lejo kamerën; mbaj të përditësuar Google Play Services for AR. Raw Depth përdoret kur telefoni e mbështet; përndryshe skanimi mund të jetë i rrallë. Disponueshmëria e RGB-D nuk nënkuptohet nga prania e kamerës. Siguro hapësirë për skanimin dhe paketën e eksportit.
Kufiri i skanimit është 10 milionë pika të pranuara ose 15 minuta aktive, cilido arrihet i pari. Planimetria lejon deri 50 matje dhe 200 kënde për formën e çrregullt. Këto janë kufij të programit, jo premtime performance për çdo telefon.
Koordinatat dhe modeli
Koordinatat janë lokale AR, në metra. Në planimetri CAD: X = AR X, Y = −AR Z, Z = AR Y. Figurat e rregullta 2D vendosen në lartësinë e pikës së parë; Scatch 3D përdor planin hapësinor të pikave. Seancat e veçanta nuk bashkohen automatikisht.
Kurbat DXF kanë 64 segmente për rrotullim të plotë dhe parametra analitikë shoqërues. Perimetri i elipsit është përafrim Ramanujan II. Kolonat nuk zbriten automatikisht nga sipërfaqja e konturit të jashtëm. Volumi i grumbullit është 2.5D, pa mbushje automatike boshllëqesh ose faqe të varura.